خوەیکوشتن ٣٧ پیاو و کوشیان سێیان تر وەدەس ژن لە هەرێم کوردستان
شەفەق نیوز/ سەرۆک یەکێتی پیاوان کوردستان بەرهەم عەلی فەرەج، ئمڕوو چوارشەممە، ئاشکرای خوەیکوشتن ٣٧ پیاو و کوشیان سێیان تر وەدەس ژنەیلیان ئەرا ئەمساڵ کرد.
فەرەج ئەرا ئاژانس شەفەق نیوز وت: پیاوەیل لە هەرێم کوردستان لە ماوەی پەنج مانگ لەی ساڵە ٢٣١ سکاڵا لەبان ژنەیلیان تۆمار کردنە.
وتیش؛ ٣٧ پیاو خوەیان کوشتنە، و ٣ پیاو تر وەدەس ژنەیلیان وە دەسمیەتی کەسەیلیگ تر لە خود ماوەگە کوشیانە.
فەرەج دیاری کرد ک هووکارەیل توندوتیژی و کوشتن و خوەیکوشتن فرەن، گرنگتریان رەوش ئابووری خراوە و بی دەسەڵاتی لە جیوەجیکردن خوازینەیل ژن وماڵە.
وتیش؛ ماڵپەڕەیل پەیوەندیە کۆمەڵایەتیەکانیش کاریگەری لەبان خیزانەیل داشتنە و بوینەسە هووکار چەکانن کۆمەڵایەتی، وەگەرد زیایبوین توندوتیژی خیزانی.
فەرەج هەمیش وت: رووژانە
لە یەک تا سێ کەس لە هەرێم کوردستان کوشیەێد، لەوەر گرفتەیل ئابووری و کۆمەڵایەتی و ناوکۆکیەیل هووزانە لەسای بڵاوبوین چەک بی مووڵەت.
