لەبان پارچە زەوییگ لە محاویل.. گەنجیگ برای خوەی کوشێد
2021-05-01T11:41:50+00:00
شەفەق نیوز/ سەرچەوەیگ لە پۆلیس پارێزگای بابل، ئمڕوو شەممە، خەوەردا لە کوشتن کەنجیگ ٢٣ ساڵان وەدەس برای خوەی.
سەرچەوەگە وتیش؛ گەنجیگ لە قەزای محاویل لە پارێزگای بابل لەوەر ناکۆکییگ وەگەرد براکەی لەبان پارچە زەوییگ کوشیا.
وتیش؛ مرافەگە رەسیە ئەوە ک یەکیگ لە برایلە وە چەک سووکیگ تەقە لەو براگە کرد و وەکوتپڕ کوشتەی.
سەرچەوەگە دیاری کرد ک هێزە ئەمنیەکان دیرن مینەی برا بکوشەگە کەن، ک دویای جیوەجیکردن تاوانەگەی وەرەو شوین نادیاریگ وای.
