فەلوجە.. ٣ کوشیان لە دوو مرافە
2021-05-19T11:59:26+00:00
شەفەق نیوز/ سەرچەوەیگ ئەمنی وەرپرس لە وەڕێۆبەرایەتی پۆلیس پارێزگای ئەنبار، ئمڕوو چوارشەممە، خەوەردا لە کوشیان سێ کەس و زەخمداربوین سەخت چوارەم کەس، لە دوو رووداو جیاجیا لەناوچەی نەساف سەروە قەزای فەلوجە.
سەرچەوەگە ئەرا ئاژانس شەفەق نیوز وت: یەکەم رووداوەکە لە مرافەیگ لەناوبەین دوو برا و ئاموزایلیان بوی، لەوەر ناکۆکییگ لەبان پارچە زەوییگ، و دیاری کرد ک مرافەگە رەسیە تەقەکردن و بویە هووکار کوشتن دوو براگە.
وتیش؛ دویای کەمیگ لە خەوەر ئەو رووداوە، رووداویگ تر بویە هووکار کوشیان یەک کەس و زەخمداربوین کەسیگ تر ئەوەیش لە مرافەی سەختیگ لەوەر ناکۆکییگ خیزانی.
سەرچەوەگە دووپات کرد ک تاوانبارەیل لە هەردوگ رووداوەگە دەسگیر کریان.
