تەقینەوەیگ لە ئەنبار گیان ئەفسەریگ لە پاسەوان سنوور و رانندەگەی سینێد
2021-04-29T12:40:07+00:00
شەفەق نیوز/ سەرچەوەیگ ئەمنی وەرپرس، ئمڕوو پەنجشەممە، خەوەردا ک ئەفسەریگ لە پاسەوان سنوور خوەی و رانندەگەی بوینە قوربانی لە تەقینەوەیگ لە پارێزگای ئەنبار.
سەرچەوەگە ئەرا ئاژانس شەفەق نیوز وت: ئەفسەریگ وەپلەی عەمید لە فەرماندەی پاسەوان سنوور ناوچەی دوویەم خوەی و رانندەگەی بوینە قوربانی لە تەقینەوەی بومبیگ دانریاگ لەبان ماشین مەدەنییان لەوەخت چگنیان ئەرا ئەرک خوەیان لەبان ری زوینە وەرەو ئەنبار.
لەلای خوەییش فەرماندەی پاسەوان سنوور عەمید جیهاد ئەحمەد بەردی دلێمی لە بەیاننامەی لیوای پانزەهەم پاسەوان سنوور سەرکردایەتی دوویەم پرسە وە شەهیدبوین عەمید فائیز ساڵح عەلی و رانندەگەی محمد کازم عەجبل کرد.
