ئەنبار.. کوشیان و زەخمداری ٩ ئەندام حەشد شەعبی وە رویداویگ هاتوچو
2022-04-16T13:28:30+00:00
شەفەق نیوز/ سەرچەوەیگ ئەمنی لە پارێزگای ئەنبار، ئمڕوو شەممە، خەوەردا لە کوشیان و زەخمداری ٩ کەس لە ئەندامەیل پزشکی حەشد شەعبی وە رویداویگ هاتوچو، خوەرئاوای ئەنبار.
سەرچەوەگە ئەرا ئاژانس شەفەق نیوز وت: چوار لەئەندامەیل پزشکی حەشد شەعبی گیانیان لەدەسدان، پەنجیش لەلیان زەخمدار بوین، هەنای کەفتنە وەر رویداویگ هاتوچو مەوقەی جیوەجیکردن ئەرکیگ، دویای تەقیان تایەر ئەو پاسە ک لەناوی بوین و ماشینەگە لەدەس دەرچگ وپلیا، و ئەوەیش لە ناوچەی عكاشات لە قەزای روتبە.
سەرچەوەگە وتیش: هیزیگ ئەمنی رەسیە شوین رویداوەگە، و زەخمدارەیل رەسانە خەسەخانەیگ نزیک، و تەرمەیەل هەڵگرد.
