بارزانی و گۆتێرێش دووپات لەبان گرنگی ئاشتی لە ناوچەگە کەن
شەفەق نیوز - هەولێر
نێچیرڤان بارزانی، سەرۆک هەرێم کوردستان، رووژ چوارشەممە، وەرد ئەمیندار گشتی نەتەوە یەکگرتگەیل ئەنتۆنیۆ گۆتێرێش، باس پەیوەندی ناوەین بەغداد و هەولێر کرد.
سەرۆکایەتی هەرێم کوردستان، لە بەیاننامەیگ رەسیە ئاژانس شەفەق نیوز، وت کە "چەوپیکەفتنەگە لە ناوەین بارزانی و گۆتێرێش، لە پەراویز لووتکەی کەشوهەوا لە شار ئەنتالیای تورکی وەڕیەو چگ، و باس شمارەیگ لە تەوەر و باوەتەیل جی گرنگیدان هاوبەش کرد".
دیاری کرد کە "لە دیدارەگە هەردوگ لایەن باس لە رەوش گشتی لە عراق و هەرێم کوردستان و پەیوەندییەیل ناوەین هەولێر و بەغداد کردن، و هەمیش هویر و را و دیدەیل لەباوەت گرژی و وەرەونواچگنەیل لە ناوچەگە ئاڵشت کردن".
هەردوگ لایەن دووپات لەبان گرنگی پاراستن ئاسایش و سەقامگیری لە ناوچەگە کردن، وەرد چارەسەرکردن ناکۆکی و پرسە هەڵواسیاگەیل وە ری و ئامرازە ئاشتییانەیل.
