سلێمانی.. ژنیگ لە بینای پەنج قاتییگ خوەی خەێد
2021-05-01T12:01:05+00:00
شەفەق نیوز/ ژنیگ سی ساڵان، ئمڕوو شەممە، لە بینایگ پەنج قاتی لە پارێزگای سلێمانی، وەنیاز خوەیکوشتن، خوەی خستە خوار.
سەرکەوت ئەحمەد قسەکەر وەناو پۆلیس سلێمانی ئەرا ئاژانس شەفەق نیوز وت: ژنیگ شویدار وەناو هاژە فایق لە تەمەن ٣٠ ساڵان و خاوەن دوو مناڵە، لەوەر گرفتەیلیگ وە گەرد شویەگەی تەقەلای خوەیکوشتن دا.
ئەحمەد وتیش؛ ژنەگە لەبان یەکیگ لە بینا چووڵەیل لە ناوچەی چوارچرا لە شار سلێمانی خوەی خستە خوار، و رەسیە زەوی، وەلی هیمان زنیە.
