خوەیکوشتن کور و دویەتیگ لە بەسرە و "هندی"یگ لە سلێمانی
شەفەق نیوز/ سەرچەوەیگ ئەمنی لە بەسرە، ئمڕوو دوشەممە، خەوەردا لە خوەیکوشتن کور و دویەتیگ وە دو رویداو جیاواز لە پارێزگاگە، لەهەمان وەخت کراکاریگ بیانیی "ناسنامەی هندی" لە سلێمانی سەر وە هەرێم کوردستان خوەیکوشتیە.
سەرچەوەگە وە ئاژانس شەفەق نیوز خەوەردا، دویەتیگ 18 ساڵان وە سزانن خوەی کوشتیە لە باشوور ناوەند بەسرە وە هوکار "گرفت خیزانی".
سەرچەوەگە وتیش، کور گەنج 18 ساڵانیگ خوەیکوشتیە وە هەڵواسین خوی لە ناوەن پارێزگای بەسرە، هوکارەگەی دیار نییە.
و لە سلێمانی فریاکەفتن پارێزگاگە، خوەیکوشتن کراکاریگ بیانی راگەیان لە پارێزگاگە وەبی ئەوەگ هوکارگەی بزانن.
فریاکەفتن سلێمانی لە بەیاننامیگ رەسیە ئاژانس شەفەق نیوز وت، کراکاریگ بیانی هەڵگر ناسنامەی هندی 23 ساڵان لە بارودۆخ نادیاریگ خوەیکوشتیە هووکارەگەی دیار نییە، تەرم قوربانیەگە ئەرا پزشک دادوەری سلێمانی کلکریایە دەسکریایە وە لێکۆڵینەو ئەرا زانیین هوکارەگەی.
وتیش، ئەو کراکارە ک خوەیکووشتیە ئەرا کارکردن هاتیە ئەرا سلێمانی.
