ئاگر لە دوو پارێزگا دوکانەیلیگ بازرگانی و موەلدەیگ و سێ ماشین سزنێد
شەفەق نیوز/ تیمەیل وەرگری شارستانی لە قەزای زوبێر لە پارێزگای بەسرە، ئمڕوو پەنجشەممە، توێنستن ئاگر گەپیگ لەناو دوکانەیلیگ بازرگانی کپەو بکەن.
و هەمیش تیمەیل وەرگری شارستانی لە پارێزگای سلێمانی ئاگریگ وەپیان کپەو کریا.
وەرگری شارستانی لە پارێزگای بەسرە لە بەیاننامەیگ رەسیە ئاژانس شەفەق نیوز وت: تیمەیلی توێنستن ئاگریگ لەناو دوکانەیلیگ بازرگانی لەبان ری ئاوای کەرەڤانی کپەو بکەن، وتیش؛ ئاگرەگە بویە هووکار زەرەدەیلیگ دارایی فرەیگ لە گشت ماڵداریەیل.
لە سلێمانی، نەقیب رێکان جەمال قسەکەر وەڕێۆبەرایەتی ئاگرکپەوکردن سلێمانی ئەرا ئاژانس شەفەق نیوز وت: لە ساعەت ١٢:٣٠ نیمەڕو، ئاگر لە موەلکەیگ تایبەت وەگەرد ماشینیگ تانکەر لە ناوچەی هەواری شار گوڵپە کرد.
وتیش؛ رووداوەگە لە مەوقەی چووڵکردن بار تانکەرەگە بوی لەوەر شۆرتیگ کارەبایی، م بویە هووکار زەردەیلیگ لە دوو ماشین مەدەنی لە نزیک ئاگرەگە بوین، و هیچ زەخمداربوینیگ لە رووداوەگە تۆمار نەکریا.
