زیایبوین رووداوەیل توندوتیژی دژوە پیاوان لە هەرێم کوردستان
شەفەق نیوز/ یەکێتی پیاوان کوردستان، ئمڕوو شەممە، راگەیان زیایبوین رووداوەیل توندوتیژی دژوە پیاوان لە هەرێم کوردستان لە ساڵ ٢٠٢٠ وەگورەی پارەکە وساڵەیل گوزەیشتە.
بورهان عەلی فەرەج سکرتێر یەکێتی پیاوان کوردستان لە کونگرەیگ رۆژنامەوانی ئمڕوو و ئاژانس شەفەق نیوز ئامادەی بوی وت: رووادوەیل توندوتیژی لە ساڵ ٢٠٢٠ بەرزەوبوین، وەتایبەت خوەیکوشتن پیاوەگان لە هەرێم کوردستان، وەگورەی ساڵەیل گوزەیشتە.
فەرەج باس لە هووکارەیل توندوتیژی دژوە پیاوان کرد جوور قەیرانەیل ئابووری و دارایی، و یاسای ئەحوال ک یەکسانی لەناوبەین پیاو و ژن لە هەرێم کەێد، ک پابەند پیاوەگە و خەرج خیزانەگە کەێد، و ئازادی دەێدە ژنەگە لە مووچەگەی و مافەیلیگ تر.
وتیش: هەفتانە دەیان لە سکاڵاگان لە جووراجور شارەیل هەرێم لەلای رێکخراوەگەمان تۆمار کریەن.
جی باسە، ک رێکخراو یەکێتی پیاوان کوردستان نووسینکە لە گشت شارەیل هەرێم دیرێد، و زیاتر لە ٨٠٠٠ ئەندام هاناوی.
