بڵاوبوین گەیاکردن کوڕ و دویەتەیل ناخاڵە لە عراق
عەزاوی لە بەیاننامەیگ رەسیە ئاژانس شەفەق نیوز وت: سیمای گەیاکردن لە سواڵکردن ئاسایی، و تاوان و گەیاکردن ئەلیکترۆنیە، و بویەسە پیشەیگ ئەرا کەسەیلیگ وە ریخریاگەیل درووکانی یا کۆمەڵەی خێرخوازی وەکاریان تیارن، وە دەسپیچگ پیشکەشکردن دەسمیەتی ئەرا چارەسەری پزشکی، لەوەختیگ گشت پویل گەیاکردنەگە رەسێدە دەس باندەیل تاوانی.
وتیش: چینەیل گەیاکەرەیل فرەیان لە مناڵ و ناخاڵە و دویەتن، کەفنە وەر رفیان ئیجا بەد وەکارهاوردن یا بازرگانی، وەگەرد گەیاکەرەیلیگ لە رەگەزنامەی عەرەبی و بیگانە، وە سەرپەرشتی باندەیل تاوانی.
غەراوی وتیش: ئی سیما بویەسە سەرچەوەی داهاتەیل ئابووری گەورەیگ ئەرا ئی باندەیلە، و هەڕەشەی ئاسایش کۆمەڵگا و ئابووری و روشنهویری دەێد، و وینەیل گەنیگ لە وڵاتەگە نشان دەێد، و باس خەفەت گەورەی کرد لە بڵاوبوین ئی سیما لەوەر چوو هیزەیل ئەمنی و دامودەزگایل دەوڵەت وەبی چارەکردنیگ راسی.
سەرۆک ناوەند ستراتیژی ئەرا ماف مرۆڤ داوا لە حکومەت کرد چارەی ئی سیما بکەێد وە لەناوبردن باندەیل تاوان رێکخریاگ، و بخەێدەیانە ژیر یاسای دژە تیرۆر، و کەیاکەرەیل بخەێدە ماڵ وەخاوەنکردن یا ناوەندەیل گەنج و پیشکەشکردن بەرنامەیلیگ ئامادەکردن و دەروینی ئەرایان، و دروسکردن دەرفەت کار راسی و دووارە نووڕستن وە مادەیل سزای گەیاکردن.
