ئامادەباشی پێشمەرگە و هێزەیل فیدراڵی لەبان سنوور دیالە و هەرێم کوردستان
شەفەق نیوز/ سەرچەوەیگ سەربازی پایەرزیگ لە سوپای عراق ئمڕوو چوارشەممە، ئاشکرای ئامادەباشی لەلایەن سوپا و حەشد شەعبی وە هەماهەنگی وەگەرد پێشمەرگە کرد، ئەرا پۊچەڵکردن پەلامارەیلیگ ئەگەر لە داعش بوود لەناوبەین دەورگرد خانەقین لە دیالە و کەلار لەهەرێم کوردستان.
سەرچەوەگە ئەرا ئاژانس شەفەق نیوز وت: پاڵپشتیکردن کەرتەیل سوپا لە دەورگرد خانەقین و خەسەوکردن دەوریەیل رەوانگەکردن ئەرا نواگردن هەر ناکاوییگ ئەمنی.
لەلای خوەییش موقەدەم جەلیل مام فایق فەرماندەی یەکیگ لە فەوجەیل پێشمەرگە ئەرا ئاژانس شەفەق نیوز وت: پێشمەرگە زانیاری دیرێد لە پلانیگ لەلای ریخریاگ داعش ئەرا پەلامارەیلیگ ناوبەین خانەقین و کەلار، و دیاری کرد ک ئەندامەیل داعش هانە ناوچەیل شیرگ و دەکا و مرواری لە دەورگرد خانەقین.
وتیش: وەگورەی زانیارییەیلە، پلانیگ ئەرا پەلامارداین خاڵەیل پێشمەرگە لە سنوور دیالە هەس، وتیش: هێزەیلمان هانە ئامادەباشی ئەرا نواگردن هەر پلانیگ یا پەلامارەیگ تیرۆری.
