پارتی گورجکردن هەماهەنگی سوپا و پێشمەرگە وە کۆتایی بووشاییەیل مەرگ دانەێد
شەفەق نیوز/ پارت دیموکرات کوردستان، ئمڕوو پەنجشەممە، پیشوازی لە گورجکردن رێککەفتن هەماهەنگی ئەمنی هاوبەش لەناوبەین وەزارەتەیل وەرگری و پێشمەرگە کرد، و وە کۆتایی «بۆشاییەیل مەرگ» لە ناوچە دابڕیایلە دانادەی.
دانای کاتب نۆینەر لە حزبەگە ئەرا ئاژانس شەفەق نیوز وت: گورجکردن رێککەفتن هەماهەنگی هاوبەش و دەس وە وازکردن ناوەندەیل ئۆپراسیۆنەیل هاوبەش لە ناوچە دابڕیایلە لە دیالە و کەرکوک و سەڵاحەدین ئەوەسا نوای جوولەیل تیرۆرستەیل گرێد.
ودیاری کرد ک ئی رێککەفتنە ئەوەسا بوودە کاریگەر گەورەیگ لەبان ئەو تیرۆرستەیلە لە بۆشاییە ئەمنیەکان ک پێشمەرگە دویای کیشانەوەی لە ٢٠١٧ هەشتەیانە جی، و ئەو شوینەیلە بوینە بارەگایل هەناردەکردن مەرگ ئەرا ئاوایەیل و ناوچەیل کنار، و پەلامار نیمچە رووژانە لەبان کەرتە ئەمنیەکان و خاڵەیل و دەوریە سەربازیەیل، ک دەیان لە قوربانی و زەخمدار وەجی هیشت.
کاتب ئەو بۆشاییەیلە لەناونی هێزەیل سوپا و پێشمەرگە وە بۆشاییەیل مەرگ دانا ک کۆتایی وەپیان نیەتیەێد مەگەر وە هەماهەنگی تەقەلایل ئەمنی و هەواڵگری لەناونی هێزەیل فیدڕاڵی و دەزگا ئەمنیە کوردەیل لەناوچە دابڕیایلە و سنوورە هاوبەشەیل لەناونی چەن پارێزگایگ.
