وەرپرسەیلیگ: بووقەیلیگ شۆڤینی ریگری لە هاتنەوەی پێشمەرگە ئەرا خانەقین کەن

وەرپرسەیلیگ: بووقەیلیگ شۆڤینی ریگری لە هاتنەوەی پێشمەرگە ئەرا خانەقین کەن
2021-04-24T13:22:58+00:00

شەفەق  نیوز/ وەرپرسیگ خۆجێی و یەکیگ حزبی لە دیالە، ئمڕوو شەممە، باس ئەو لایەنەیلە ک رازی نیین لە گلەوخواردن هێزەیل پێشمەرگە ئەرا گردن باوەتە ئەمنیەگە لە قەزای خانەقین، جوور بووقەیلیگ بەعسی شۆڤینی کردن.

سەمیر محمد نور سەرۆک ئەنجومەن پویچەڵکریاگ خانەقین، ئەرا ئاژانس شەفەق نیوز وت: یەک شیوەیگ نەتەوەگەرایی شۆڤینی وەرانوەر کورد لە خانەقین و ناوچە دابڕیایەل هەس، ک بەشیگ لە لایەنە سیاسییەکان وە گشت زووریان خوازن ریگری لە گلەوخواردن پێشمەرگە ئەرا خانەقین و ناوچەیل دیالە بکەن.

وتیش؛ داواکان لە گورجکردن ناوەندەیل هەماهەنگی هاوبەش لە ناوچە دابڕیایل، تەنیا چویچانن خوەڵ وەرەو چەوەیلە، ک ئی ناوەندیلە بەیخودن لەلایەن ئەمنی و تەنیا لەبان نۆێنەرەیلیگ یا ئەندامەیلیگ وسیانە.

نور برسیار لەو هووکار و هاندەرەیلە وەرانوەر گلەوخواردن پێشمەرگە ئەرا دەورگرد خانەقین کرد، هەرچەن ٣ لیوا لەلی لە ناوچەی خەزرای بەغداد هەس؟.

وتیش؛ سوپا و حەشد قوربانیەیل گەورایگ ئەرا مقیەتیکردن خانەقین دان، وەلی زانستن ئەمنی و هەواڵگری لە رەوشەیل دەورگرد خانەقین نەیرن ک لەو وەختەیلە ک پێشمەرگە لەناویان بوی کۆمەڵە تیرۆرستەیل هیچ توانایگ نەیاشتن.

وەرپرسیگ لە یەکێتی نیشتمان کوردستان لە خانەقین، نەخوازێد ناوی ئاشکرا بکریەێد، باس ئەو لایەنە سیاسی و پەرلەمانیەیلە ک نواگیر گلەوخواردن پێشمەرگە کەن وە بەعسی کرد.

لە قسەیلی ئەرا ئاژانس شەفەق نیوز وت: هاتنەوەی پێشمەرگە ئەرا شوین خوەی لە خانەقین، خوەی گلەوخواردن ئارامییە ئەرا زیاتر لە ٨٠ ئاوای لەژیر هەڕەشەی ئەمنی لەوەخت رووداوەیل ئوکتۆبەر تا ئیسە.

وتیش؛ باوەت ئەمنی خانەقین و دەورگردی بویەسە کارتیگ سیاسی ک ئەو لایەنەیلەگ خوازن ئاڵشتکردنەیلیگ دیمۆگڕافی بکەن و تەعریب چەن ئاوای وناوچەیلەیگ وە گورجەوکردن شیواشیوە ئەمنیەکان بازی وەی کارتە کەن، و پرسیار لە ناتوانی هێزەل ئەمن و حەشد شەعبی کرد لە ئارامکردن دەورگرد خانەقین، هەرچەن ژمارەیلیگ هەس لە ژمارەیل پێشمەرگە لەو مەوقەی وەرجە رووداوەیل ئوکتۆبەر لەیرا بوین فرەترە.

Shafaq Live
Shafaq Live