هەماهەنگی ناوبەین سوپا و پێشمەرگە ئەرا گیرهاوردن داعش لە خانەقین

شەفەق نیوز/ لیوا روکن غەسان خالد عزی فەرماندەی ئۆپراسیۆنەگان دیالە، ئمڕوو پەنجشەممە، دووپاتکرد لە هەماهەنگییگ ناوبەین سوپای عراق و هێزەیل پێشمەرگە، ئەرا گیرهاوردن ریخریاگ داعش لە قەزای خانەقین.
عزی ئەرا ئاژانس شەفەق نیوز وت: کەرتە ئەمنیەگان لە سنور دیالە و کوردستان وڵاوە بوینە و ئارامی کەن وەتەواوەتی، وەگەرد بڕین ری دزەی ئەندامەیل داعش لە باکوور وباکوور خوەرهەڵات دیالە تا رەسێدە سنور هەرێم.
وئاماژەدا وە ئارامکردن دەورگرد قەزای خانەقین و وەتەواوەتی، وداناین پلانەیل توکمەیگ ئەرا نواگردن هەر پەلاماریگ تیرۆرستی بڕەسێدە مەدەنیەگان یا کەرتە ئەمنیەگان.
غزی وتیش: سوپا و پێشمەرگە لە وەختیگ گوزەیشتە وە ئامادەبوین هاوپەیمان ناودەوڵەتی رێککەفتن لە کردنەوەی ٤ نووسینگە ئەرا هەماهەنگی هاوبەش لە ناوبەینیان لە ناوچە دابڕیایەگان.