دۊیای پەلامارەیل داعش.. دانوستان سەربازی ناوبەین سوپای عراق و پێشمەرگە لە بەغداد

ەفەق نیوز/ شاندیگ لە وەزارەت پێشمەرگە، ئمڕوو سێشەممە، دانوستان وەگەرد سەرکردەیل سەربازی لە بەغداد کرد، ئەوەیش دۊیای چەن رووژیگ لە پەلامارەیل خەسیگ لەلایەن ریخریاگ داعش لەبان ناوچەیل دەورگرد هەرێم کوردستان،  و قوربانیەیلیگ لە هێزەیل کوردی لەلیان بۊیەو.    

سەرچەوەیلیگ ئەمنی باس کەن ک فرەی پالامارە دۊیایینەیلە، تیرۆریستەیل داعش لەزنجیرەی کۊیەیل قەرەچووخ ناوبەین پارێزگای نەینەوا و کەرکوک تیەن،ڤک ئەو ناوچەیلە چاڵ و بەرزیە، و ئەرا خوەیشاردن چەکدارەیل داعش گونجیاگە، و هەمیش ناوچەیگە ک کەفتیەسە ناوبەین شۊین هێزەیل عراقی و پێشمەرگە.     

وەزارەت پێشمەرگە لە بەیاننامەیگ وت: شاندەگەی وە سەرپەرشتی ئەمیندار گشتی وەزارەتەگە جەبار یاوەر، ئمڕوو سێشەممە سەردان بەغداد کرد، و کۆبونەوە وەگەرد وەزارەت وەرگری و ئۆپراسیۆن هاوبەش کرد.