پاکەوکردن کفری و خورماتوو وە ئۆپراسیۆنیگ لەلایەن هیزەیلیگ کورد و سوپای عراق

شەفەق نیوز/ وەڕێەوبەرایەتی دژە تیرۆر کوردستان، ئمڕوو پەنجشەممە، دەسکردن وە ئۆپراسیۆنیگ ئەرا پاکەوکردن ناوچەیل کفری و خورماتوو راگەیان لەناوی هیزەیل پێشمەرگە و پۆلیس فریاکەفتن وەگەرد هیزەیل سوپای عراق بەشداری کەن.   

وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: ئۆپراسیۆنەگە رووژ پەنجشەممە دەسوەپی کرد، و دووپات کرد ک ئامانج لەی ئۆپراسیۆنە پاکەوکردن ناوچەگە لە ترۆریستەیل داعشە و لەناوبردنیان دویای نووڕین بڕیگ لە مەفرەزەیلیان لە رووژەیل گوزەشتە و تەقەلایان ئەرا جیوەجیکردن پەلامارەیل تیرۆری لەناوچەگە. 

بەیاننامەگە وتیش: ئۆپراسیۆنەگە لە دوو شوینەو دەسوەپی کرد، یەکەم کفری خورماتوو، و دویەم ناوچەی داودی و ئاوارەیل بنار غرە، وتیش ئی ئۆپراسیۆنە ئەرا خاپوورکردن حەشارگەیل داعش لەناوچەکەس.