زانیارییەیل فەرمی.. کەرکووک لە نوای بڕ وارانەیل توومارکریاگ لە ماوەی 24 ساعەت

شەفەق نیوز - بەغداد

زانیارییەیل دەسەی کەشوهەوا و چەودیاری زەۊلەرزە، رووژ شەممە، نیشان دان کە پارێزگای کەرکووک کەفتەسە نوای رێژەیل وارین واران لە عراق بیجگە لە هەرێم کوردستان، دۊای ئەوەگ بەرزترین بڕەیل وارین لە ماوەی 24 سعات گوزەشتە توومار کرد، هاووەخت وەرد وەردەوامبۊن شەپۆل واران کە ناوچەیل پەرتەوازەیگ لە وڵاتەگە وەخوەی دۊنێد.

 وەپەی زانیارییەیل، ناوچەی رەحیم ئاوا لە کەرکووک بەرزترین بڕ واران توومار کرد کە رەسیە 29.2 ملم، و دۊای ئەوەیش ناوچەی فڕۆکەخانەی کەرکووک هات وە بڕ 24.4 ملم، لە وەختیگ ئەو بڕە توومارکریاگە لە ناوڕاس شارەگە رەسیە 18.4 ملم.

 سەنتەر پارێزگای نەینەوا دۊاتر هات، وە بڕ وارانیگ کە رەسیە 27 ملم، لە وەختیگ ناوچەی قائیم لە پارێزگای ئەنبار 23.4 ملم توومار کرد.

 ئی رێژەیلە لە سای وەردەوامبۊن رەوش وارانین تیەێد کە ناوچەیل فرەیگ لە عراق وەخوەی دۊنێد، لە ناوڕاس وەدۊاچگن لایەنە پسپۆڕەیل ئەرا بڕەیل وارین و لیکەفتەیل لەبان ریەیل و ناوچە نزمەیل.