تومەتبار کریا وە سووکایەتیکردن قورئان.. ژنیگ پاکستانی لەوەر وشەی "حلوە"ی عەرەبی کەفتە هەڕەشەی مەرگ
سەدان پیاو پاکستانی لەوباوەڕە بوین ئەو وشەی وە دەسوخەت عەرەبی وەبان پرتال ژنەگە نویسایە ئایەت قورئانیە و ئەو ژنە کوفر کردیە، یەیش سزای مەترسیداریگ دیرێد لە پاکستان کە تا لە سێدارەدان رەسێد.
لە پارچە ڤیدیۆیگ کە بڵاوکریاگە دەرچگە ئەو ژنە لەناوەین شمارەیگ مەردم و پۆلیس دەورە دریایە، و داوا لەلی کەن پرتالەگەی بکەنێد و دەنگ مەردمەگە تێد ئویشن بایەت سەری بوورێد.
لەدویای ئەوەگ ژنەگە ئەرا بنکەی پۆلیس بریا فرەیگ لە شارەزایل ئاینی دووپاتیکردن ئەو دەقە نویسینە هابان پرتاڵەگەی ئایەت قورئانی نییە و پۆلیس داوا لە شارەزایەیل ئاینی کردیە ڤیدیۆیگ تووماربکەن ئەرا چەسپانن ئەو ئەنجامە کە ژنەگە بی تاوانە.
هەرچە هەڵە فامستن بوی وەرانوەر وە ئەو ژنە باوجی داوای وەخشین لە مەردمەگە کەێد و لە ڤیدیۆیگ کە بڵاویکردیە دەرچگە ئوشێد "داوای لێبوردن کەم هویچ مەبەستیگ نەیاشتم ئەرا دروسکردن ئێ هەڵە و من موسڵمانم و کافر نیم".
