بارزانی پرسەی شاوەیس کەێد: پێشمەرگەیگ ئازا و خەباتکاریگ نیشتمانی
شەفەق نیوز/ مەسعود بارزانی سەرۆک پارت دیموکرات کوردستان، ئمڕوو دووشەممە، پرسەی کۆچکردن رۆژ نوری شاوەیس ئەندام نووسینگەی سیاسی حزبەگە کرد.
بارزانی لە بەیاننامەیگ رەسیە ئاژانس شەفەق نیوز وت: وەداخەو ک شەوەکی ئمڕوو خەوەر کۆچکردن پێشمەرگەی ئازا و خەباتکار نیشتمانی گەلەگەمان و ئەندام نووسینگەی سیاسی پارت دیموکرات کوردستان دکتۆر رۆژ نوری شاوەیس لەوەر بیمارییگ لە هەولێر وەرگردیمن.
بارزانی وتیش؛ دکتۆر رۆژ ئەو خەباتکار و پێشمەرگە بوی ک ئەرک خوەی وەخاسترین شێوە لە جووراجور قۆناغەیل خەبات گەلەگەمان و پارت دیموکرات کوردستان جیوەجی کرد، لە قۆناغ خەبات کوێە یا لە قۆناغ سەروەری یاسا و ئیدارە و ئاوەدانکردنەوەی کوردستان، و هەمیش لە قۆناغ دەستور و دووارە بیناکردن عراق نوو و کار سیاسی و دیبلۆماسی و جەنگ دژوە تیرۆر.
سەرۆک پارت دیموکرات کوردستان وتیش؛ وەرگری بوێریگ بوی لە بنەما و ئامانجەیل گەل کوردستان، و ئەرکەیل خوەی وەگشت دڵسووزیگ ئەنجام دا.
بارزانی هەمیش وت: دکتۆر رۆژ فرەی ژیانی ئەرا باوەت گەل کوردستان و ئەنجامدان ئامانجەگانی تەرخان کرد، و لەوەرگریکردن لەبان خاکە و وڵات، ئاماژە کرد ک خوەی پێشمەرگەی ئازا و وەفاداریگ بوی.
و دیاری کرد ک کۆچکردن دکتۆر رۆژ ئەرا گشتمان خەفەت گەورایگە، وئەرا گەل کوردستان و پارت دیموکرات کوردستان زەردە گەورایگە، و ئاماژە کرد ک کوردستان سەرکردەی مەزنیگ و کەسایەتی خەباتکاریگ لەدەس دا، و منیش برایگ و هاوڕی ژیانیگ و وبرادەر نزیکیگ و ئازیزیگ لەدەس دام.
