بارزانی پرسەو سەرەخوەشی لە خیزان برزان مەڵا خالد خەباتکار کورد کەێد

بارزانی پرسەو سەرەخوەشی لە خیزان برزان مەڵا خالد خەباتکار کورد کەێد
2020-08-25T09:03:15+00:00
شەفەق نیوز/ نێچیرڤان بارزانی سەرۆک هەرێم کوردستان، ئمڕوو سێشەممە، پرسەو سەرەخوەشی لە خیزان بارزن مەڵا خالد خەباتکار کورد کرد.
بارزانی لە بەیاننامەیگ رەسیە ئاژانس شەفەق نیوز وت: لە ماڵئاوایی یەکجاری رۆژنامەنووس وەناوبانگ لە شووڕش وخەباتکار رەسن کوچکردگ بارزان مەڵا خالد، پرسەو سەرەخوەشی لە خوەمان و لە بەڕێزدان و گشت برادەر و هاوڕییەگان کەیمن، و داوا لە خودای گەورا کەیمن رەحمەتی بکەێد.
وتیش: رەحمەتی بارزان مەڵا خالد نموونەیگ بوی ئەرا مرۆڤ وەفادار وپەروەردەی خیزانیگ شووڕشگێر، و ئەرا ماوەی دریژیگ باوگی وخیزانەگەی لە پشتگیرەیل شووڕشە کوردستانیەگان بوین، و خوەییش لە شووڕش ئەیلول لە دەنگە ناسریایەگان بوی لە ئێزگەی دەنگ کوردستان عراق، و لە شۆڕش گوڵان هەمیش وەردەوامبوی لە خەباتەگەی وهەمیش لە راپەڕین.
ودیاری کرد؛ ک خوەی لە دەنگە دیارەگان بوی ئەرا بەرزەوکردن مۆڕاڵ پێشمەرگە و راپەڕینەگان لە کوردستان، ودویای ئەوە ئەندام لە پەرلەمان کوردستان بوی ئیجا جینشین وەزیر رووشنهویری، و خزمەتەیل گەورایگ ئەرا رووشنهویری پێشکەش کرد، و هەمیش وت: کەسیگ بوی نزیک لە مەردم و خوەشەویست و ووەناوبانگ بوی وەخەبات و خزمەتی ئەرا گەل و خاک و تا هەمیشە هەر وەزنی مینێد.
Shafaq Live
Shafaq Live