ئمساڵ جفتياره‌يل كورد وە هیمەت بارزانی ئه‌تويه‌نن دره‌و به‌رهه‌مه‌يليان بكه‌ن
شه‌فه‌ق نيوز/ پەرلەمان كوردستان ئاشكراى كرد، وە هیمەت مەسعود بارزانی سەرۆك پارت دیموكرات كوردستان، تويه‌نريا رێ لە پلان ئه‌را په‌لاماريگ بگيريه‌ێد ئه‌را بان کێڵگەيل کشتوکاڵیی خانەقین و دوبزو ئاوايه‌يل سەر وەناحیەی سەرگەڕان پارێزگای کەرکوك.
له‌ى باوه‌ته‌و، ماڵپه‌ڕ فه‌رمى په‌رله‌مان كوردستان به‌ياننامه‌يگ ليژنه‌ى ناوچه‌يل كوردستانى ده‌يشت هه‌رێم له په‌رله‌مان له‌باره‌ى بارودوخ خانەقین و دوبزو ئاوايه‌يل سەر وەناحیەی سەرگەڕان پارێزگای کەرکوك بڵاو كرد و وت: دوياى ئه‌وه‌گ په‌لاماريگ نه‌خشه ئه‌راى دانرياێ ئه‌را بان كێڵگه‌يل كشتوكاڵى ناوچه‌يل ناوبرياێ ئه‌نجام دريا، ليژنه‌ى ناوچه‌يل كوردستانى ده‌يشت هه‌رێم له په‌رله‌مان كوردستان ده‌سوه‌جێ هاته‌سه بان خه‌ت و لێكۆڵێنه‌وه له‌ى گام مه‌ترسيداره كردنه.
ليژنه په‌رله‌مانيه‌گه هه‌ميش وت: وه هيمه‌ت حه‌كيمانه‌ى مه‌سعود بارزانى سه‌رۆك پارت ديموكرات كوردستان ده‌سوه‌جێ وه‌ده‌نگيانه‌و هات و وه‌دانيشتن ليژنه‌گه‌مان وه‌ل جفتياره‌يل ئه‌و ئاوايه‌يله‌و به‌رزكردنه‌وه‌ى راپۆرتمان ئه‌را لايه‌نه‌يل په‌يوه‌نديدار تويه‌نريا رێ له‌و پلانه بگيريه‌ێد و وه فه‌رمانيگ ئيسه رێگه ئه‌دريه‌ێد ئه‌و جفتياره‌يله كار دره‌وكردن خوه‌يان ئه‌نجام بيه‌ن.
