بارزانی و تاڵەبانی دووپات دویرەوخستن حکومەت لە ناکۆکیە سیاسیەگان کەن
شەفەق نیوز/ مەسرور بارزانی سەرۆک حکومەت هەرێم کوردستان وباڤێڵ تاڵەبانی هاوسەرۆک یەکێتی نیشتمانی کوردستان، دووشەممە، دووپاتکردن لە گرنگی دویرەوخستن حکومەت هەرێم لە ناکۆکیە سیاسیەگان.
ئەویش لە مەوقەی پێشوازیکردن بارزانی لە تاڵەبانی لە نووسینگەگەی لە هەولێر هات، وەگورەی بەیاننامەیگ لە حکومەت هەرێم رەسیە ئاژانس شەفەق نیوز.
لە چەوپیکەفتنەگە، هاوسەرۆک یەکێتی، جوور بەشداریگ سەرەکی لە حکومەتەگە، باسکرد لە پشتگیری یەکێتی نیشتمانی لە حکومەت هەرێم کوردستان .
تاڵەبانی وت: ناکۆکیەگان لە ناونی لایەنە سیاسیەگان، بایەسە نەچودەو ئەرا کار دامەزراوە حکومەتیەگان، و بایەسە گشت لایەنەگان بوونە دەسمیەتی و لەناو خوەیان وەدڵ گەورایگ هاوکاربوون ، و ناکۆکەیلیان لەڕی گفتوگۆکردن چارەسەری بکەریەن.
وتیش: دەسکەفتەیلمان خوەی بەرهه‌م یەکێتی و یەکگردن ریز وهەماهەنگیە، ئەراوە ئیمە گشت هه‌وڵێگمان دەیمن ئەرا دەسمیەتی لە وەپشتسەرنان رەوشە سەختەگان و قەیرانەگان.
لەلای خوەییش، سەرۆک حکومەت هەرێم کوردستان ئاماژەدا ک هاووڵاتیەیل هەرێم کوردستان، و لەبان هەڵگردن سەختیەگان، نیگەرانن لە ئاژاوە ناوخۆیەگان، و لە گشت لایەنەگان چەوەڕی رەوشیەل سایاسی گونجیاگ کەن.
بارزانی هەمیش وت: حکومەت هەرێم خوەی حکومەت گشت هەرێم کوردستانە، و بایەسە لایەنە هاوپەیمانەگان لە کابینەی وەزاری نۆیم پاڵپشتی بەڕنامەی حکومەت بکەن، چوونکە بەڕنامەی هاوبەشانەس ئەرا گشت بەشدارەگانی.
سەرۆک حکومەت دووپاتکرد لە رەنجداین وە گشت توانای کابینە وەزارەتیە نۆیەمەگە ئەرا وەپشتسەرنان رەوشە تەندروسی و ئابووریەگەی ئیسە، و خاسەوکردن رەوش ژیان وگوزه‌ران هاووڵاتیەیل، و خوەی وەرپرسایەتییگە پاڵپشتی لە گشت لایەنەگان خوازێد.
