یونیسێف: مارەبڕین زیاتر لە 5000 ناخاڵە لەماوەی یەک ساڵ لە عراق ئەنجامدریایە
2023-11-21T11:47:25+00:00
شەفەق نیوز/ سەرۆک دەسەی سەروەخوەی ماف مرۆڤ لە هەرێم کوردستان مونا یاقو، ئمڕوو سێشەممە، راگەیان بەش مناڵ وازکریایە لە دەسەگە وە هاوکاری رێکخریاگ "یونیسیف" ناودەوڵەتی.
یاقو لە کۆنگریگ رووژنامەوانی کە ئمڕوو لە هەوێر سازدریا و ئاژانس شەفەق نیوز ئامادەیبوی راگەیان، " بەش مناڵ لە دەسەی سەروەخوەی ماف مرۆڤ وازکەیمن وەهاوکاری یونیسف، وەپای زانیاریەیل ئاست خوەنین و کۆمەڵایەتی و تەندروسی مناڵاگان بەشکەێمن"، وتیش " وە هەماهەنگی وەگەرد ریخریایە ناحکومیەیلتر کارکەیمن ئەرا مقیەتیکردن ماف مناڵەیل و گرنگی وە ئەو مناڵەیلە دەێمن کە وەگەرد داڵگیان هانە چاکسازی".
سەرۆک دەسەگە لەئاماریگ یونیسف تایوەت وە عراق راگەیان "لە هەر 10 مناڵ نۆ مناڵ لە مەکتەو نین، و ، 7٪ ئەو مناڵەیلە تەمەنیان لەناوەین 5 و17 ساڵانن و کارکەن، عراق ها لە پلەی 154 هەمین لە بنەڕەت 156 وڵات کە جیاوازی لەناوەین هەردگ رەگەز کەن".
وتیش "وەپای ئامار دادگا لە هەر چوار دویەت یەکیگیان شوی کەێد لەماوەی یەک ساڵ 5129 دویەت خوار هەژدە ساڵ شویکردنە".
