کوشیان و زەخمداری وە مرافەیگ لەناونی ئاموزایلە لە زیقار

شەفەق نیوز/ سەرچەوەیگ ئەمنی لە پارێزگای زیقار، ئمڕوو پەنجشەممە، خەوەردا لە کوشیان و زەخمداری دوو کەس لەوەر مرافەیگ چەکدار لە باشوور پارێزگاگە.

سەرچەوەگە ئەرا ئاژانس شەفەق نیوز وت: یەک کەس کوشیا و کەسیگ تر زەخمدار بوی، لەو مرافە چەکدارە ک کەفتە ناونی ئاموزایلە لە ئاوای خیسە لەناوڕاس ئەهوار قەزای گوڕمەت بەنی سەعد سەروە قەزای سوق شیوخ باشوور شار ناسریە.. سەرچەوەگە دیاری کرد ک هووکارەیل رووداوەگە ئاشکرا نەوینە، و هێزیگ ئەمنی دەورگرد شوین رووداوەگە گرد، و تەرمەگە وەرەو پزشک دادوەری رەوانە کرد تا ریکارەیل یاساییی تەواو بکریەێد.