وەگەرد نەوروز... لە داڵگبۊن وەگەرد ئاهەنگەیل و زەخمداری وە رۊداوەیل لە کوردستان
شەفەق نیوز/ پارێزگای سلێمانی، ئمڕوو سێشەممە، راگەیان لەماوەی بیس و چوار ساعات 11 لە داڵگبۊن فریاکەفتن وەگەرد بەشداری کردن خێزانەیلە لە ئاهەنگ نەوروز توومار کریایە، لەهەمان وەخت ئیدارەی گەرمیان سێ رۊداو گەشتیارەیلە توومار کردیە وەبی ئەوەگ زەخمدارییان سەخت بوود.
خەسخانەی د.جەمال هووکارەیی لە پارێزگای سلێمانی لە بەیاننامیگ رەسیە ئاژانس شەفەق نیوز ووت: "لەماوەی (24) ساعات گوزەشتە (11) لە داڵگبۊن فریاکەفتن توومار کریایە لەماوەی بەشداریکردن خێزانەیلە لە ئاهەنگ نەورۆز".
لە بەیاننامەگە وتیش؛ " گشت رۊداوەیلە ئەرا بەش مناڵبۊن لە خەسخانەگە بریانە و نەشتەرگەری مناڵبۊن ئەرایان ئەنجام دریایە".
لەلاییگتر وەڕێەوبەرایەتی هاتوچو لە ئیدارەی گەرمیان لە بەیاننامیگ رەسیە ئاژانس شەفەق نیوز وت: " 3 رۊداو جیاواز لە دۊکە دوشەممە توومارکریایە بۊیەسە مدووی زەخمداری دە گەشتیار وە کوتپڕ تیمەیل هاتوچو خوەیان رەساننە وە شۊن رۊداوەیلە دەسمیەتی زەخمدارەیل دانە وە کلکردنیان ئەرا خەسخانە".
لە بەیاننامەگە وتیش؛ گشت زەخمدارەیلە پسای تەندروسییان جیگیرە و لە خەسخانە دەرکریانە دۊای وەرگزدن چارەسەری".
