عراق ئەرا سێیەم داوەزی لە لیست وڵاتەیل فرە سەنیین ماڵ لە تورکیا

شەفەق نیوز/ دەسەی ئامار تورکیا، ئمروو سێشەممە، راگەیان عراقیەیلە ئەرا پلەی سێیەم داوەزینە لە سەنین ماڵ لە دویای روسیا لە تورکیا لە ماوەی مانگ نیسان گوزەشتە. 

لە راپۆرتیگ دەزگاگە ک ئاژانس شەفەق نیوز ئەڵگەریان ئەرای کردیە ئۊشێد؛ " فروشتن ماڵ لە تورکیا ئەرا بیانیەێلە وە رێژەی 58.1٪ بەرزەو بویە لە مانگ نیسان گوزەشتە، 

وە بەراورد هەمان مانگ لە پارساڵ ک رەسیە 6هەزار و و447 ماڵ، ئەستەنبوول فرەترین بەش وەپی کەفتیە لە فروشتن ماڵ وە بیانیەیلە رەسیە 2564 ماڵ، ئانتالیا لە دوییەم پلە تێد وە 970 ماڵ ، و لە دویایی ئەنقەرە وە 333 ماڵ. 

وتیش؛ " تورکیا لە ماوەی چوار مانگ یەکەم ئمساڵ  20 هەزار و و791 ماڵ وە بیانیەیلە فروشتیە، و رێژەی  بەرزەوبوی رەسیە 48.9٪. 

دیاری کرد، خەڵک رووسیا هانە بان گشت وڵاتەێلە لە سەنین ماڵ لە تورکیا لە ماوەی مانگ نیسان وە 1152ماڵ، ئیران وە پلەی دوییەم تێد 905 ماڵ سەندنە، و عراق وە پلەی سێیەم تێد وە 714 ، کازاخستان چوارەم وە 311 ماڵ و ئۆکرانیا پەنجەم وە 263 ماڵ. 

عراقیەیلە لە ساڵ 2015وە هانە بان لە لیست ماڵ سەنین لە تورکیا، باوجی لە ساڵ2021 لە دۊیای ئیران وە پلەی دویەم داوەزیا، لە هەمان کات سولەێمان سەیۆلۆ وەزیر ناوخوە تورکیا لە 13 تەشرین دۊیەم2020راگەیان ئیسە زیاتر لە 114 کەس عراقی لە خاک وڵاتەگەی نیشتەجی بوینە.