تورکیا لە شمارەی فروشتن مولکەیلی وە عراق لە پلەی دۊیەم تیەێد

شەفەق نیوز/ دەزگای ئامار تورکیا، ئمروو سێشەممە، راگەیان عراقیەیلە وە پلەی دۊیەم هاتنە  جۊر نەتەوە لە سەنین ماڵ لە تورکیا لە ماوەی مانگ شوبات گوزەشتە.     

لە راپۆرتیگ دەزگاگە ک ئاژانس شەفەق نیوز ئەڵگەریان ئەرای کردیە ئۊشێد؛ " فروشتن ماڵ لە تورکیا ئەرا بیانیەیلەوە رێژەی 54.9٪ بەرزەو بۊیە لە مانگ شوبات  گوزەشتەی  وە بەراورد هەمان مانگ لە پارساڵ ک رەسیە 4 هەزار و591 ، ئەستەنبوول فرەترین بەش وەپیکەفتیە لە فروشتن ماڵ وە بیانیەیلە رەسیە هەزار  و958 ماڵ، ئانتالیا لە دۊیەم پلە تیەێد وە هەزار و99 ماڵ ، و لەدۊای ئەوە ئەنقەرە وە 288 ماڵ.     

وتیش؛ " تورکیا لە ماوەی دوو مانگ ئمسال  کانون دۊیەم تا شوبات  8 هەزار و و777 ماڵ وە بیانیەیل فروشتیە، و رێژەی  بەرزەوبۊین رەسیە 55.6٪.     

دیاری کرد، ئێرانیەگان هانە بان گشت وڵاتەێلە لە سەنین ماڵ لە تورکیا لە ماوەی مانگ شوبات وە 711، عراق وە پلەی دۊیەم تێد 633 ماڵ سەندنە، دۊاجار روسیا وە پلەی سێیەم تێد وە 509 ، کازاخستان چوارەم وە 197 ماڵ و کازاخستان ئەڵمانیا وە 169 ماڵ.     

عراقیەیل لە ساڵ 2015وە هانە بان لە لیست ماڵ سەنین لە تورکیا، باوجی لە ساڵ2021 لە دۊای ئیران وە پلەی دۊیەم داوەزیا، لە هەمان وەخت سولەێمان سەیۆلۆ وەزیر ناوخوە تورکیا لە 13 تەشرین دۊیەم2020راگەیان ئیسە زیاتر لە 114 کەس عراقی لە خاک وڵاتەگەی دانشتنە.