لە ماوەی 9 مانگ عراقیەیل 5250 ماڵ لە تورکیا سەننە
شەفەق نیوز/ وەپای نووترین ئامار تورکیا ک ئمڕوو پەنجشەممە بڵاویکرد، لەماوەی 9 مانگ ئمساڵ 2022، عراقیەیل نزیکەی 4250 ماڵ لە تورکیا سەننە.
دەسەی ئامار تورکیا لە نووترین ئامار ک ئاژانس شەفەق نیوز دیەسێ راگەیان ک" عراق وەپلەی سێیەم تێد جویر فرەترین بسینەیل ماڵ لە توورکیا، ک هاوڵاتیەیل عراقی 5255 ماڵ سەننە لە ماوەی 9 مانگ ئمساڵ 2022، وە رێژەی 6 لە سەد داوەزین وە خوەی دیە وەچەو ساڵ گوزەشتە ک بسینەیل عراقی ئەرا ماڵ لە تورکیا رەسیە5.585 ماڵ".
وتیش" هاوڵاتیەیل رووسیا وە پلەی یەکەم تیەن وە 9311 ماڵ، دویایان ئیرانیەیل وە دویەم تیەن وە6540 ماڵ، هاوڵاتیەیل ئەڵمانیا وە چوارەم تێن وە2058 ماڵ لە دویایی هاوڵاتیەیل کازاخستان وە پەنجەم تیەن وە 2045 ماڵ".
عراقیەیل لە ساڵ 2015ەوە هانە لوتکەی لیست ماڵ سەنین لە تورکیا باوجی وەرد سەرەتای ساڵ 2021 داوەزی ئەرا پلەی دویەم و لە مانگ ئازار 2022 ئەرا پلەی سێیەم داوەزی لە دویای ئەوەگ رووسیا بوویە زیاترین بسنەیل ماڵ لە تورکیا.
