عراق دۊیەمە لە لیست وڵاتەیل  ماڵ سەنین لە تورکیا

عراق دۊیەمە لە لیست وڵاتەیل  ماڵ سەنین لە تورکیا
2021-12-14T08:42:31+00:00

شەفەق نیوز/ دەزگای ئامار تورکیا، ئمروو سێشەممە، راگەیان عراقیەێلە وە پلەی دۊیەم هاتنە  جۊر نەتەوە لە سەنین ماڵ لە تورکیا لە ماوەی مانگ تەشرین یەکەم گوزەشتە.    

لە راپۆرتێگ دەزگاگە ک ئاژانس شەفەق نیوز ئەڵگەریان ئەرای کردیە ئۊشێد؛ " فروشتن ماڵ لە تورکیا ئەرا بیانیەێلەوە رێژەی 48.4٪ بەرزەو بۊیە لە مانگ تەشرین دۊیەم گوزەشتەی  وە بەراورد هەمان مانگ لە پارساڵ ک رەسیە 7363، ئەستەنبوول فرەترین بەش بەریکەفتیە لە فروشتن ماڵ وە بینیەگان رەسیە 2922 ماڵ، ئانتالیا لە دۊیەم پلە تێد وە 1917 ماڵ ، و لە دۊیایی ئەنقەرە وە 428 ماڵ.    

وتیش؛ " تورکیا لە ماوەی کانون دۊیەم تا تەشرین دۊیەم 50 هەزار و 735 ماڵ وە بیانیەگان فروشتیە، و رێژەی  بەرزەوبۊین رەسیە 39.4٪.    

دیاری کرد، ئێرانیەگان هانە بان گشت وڵاتەێلە لە سەنین ماڵ لە تورکیا لە ماوەی تەشرین دۊیەم وە 1406، عراق وە پلەی دۊیەم تێد 1075 ماڵ سەندنە، دۊیاخر روسیا وە پلەی سێیەم تێد وە 836 ، ئەڵمانیا چوارەم وە 322 ماڵ و کازاخستان پەنجەم وە 278 ماڵ.    

عراقیەگان لە ساڵ 2015وە هانە بان لە لیست ماڵ سەنین لە تورکیا، باوجی لە ساڵ2021 لە دۊیای ئیران وە پلەی دۊیەم داوەزیا، لە هەمان کات سولەێمان سەیۆلۆ وەزیر ناوخوە تورکیا لە 13 تەشرین دۊیەم2020راگەیان ئیسە زیاتر لە 114 کەس عراقی لە خاک وڵاتەگەی نیشتەجی بۊینە. 

Shafaq Live
Shafaq Live