دەسڵاتدارەیل بەرزەوبوین وەرچەویگ لە وەکارهاوردن مادەی هووشبەر لەناو ژنەیل هەرێم کوردستان راگەیانن

ئەرکان عومەر نەقیب لە وەڕیوبەرایەتیەگە لە کۆنگرەیگ رووژنامەوانی کە پەیامنێر ئاژانس شەفەق نیوز ئامادەبوی راگەیان،  هویچ پارتیگ سیاسی لە پشت پرۆسەی بڵاوبوین و بازرگانیکردن وە مادەی هووشبەر نییە، وتیش، ئی مادە لە وڵاتەیل هاوسا ئەرا زەوی هەرێم کوردستان تێد.

ئەفسەرەگە هەمیش ئەو خەوەر دزەکردن مادەی هووشبەر ئەرا ناو زیندان و سەنتەرەیل خاسەوبوین هەرێم  رەدکرد، وتیش ئی باوەتە هویچ بنەرەتیگ نەێرێد.

لەباوەت کیشانی لە هەرێم کوردستان عومەر وت، فرەیگ وەکارهاوەریل مادەی هووشبەر تەمەنیان لەناوەین 18 - 35 ساڵانە رێژەی وەکارهاوردن لەنیوان ئی تەمەنە رەسێدە  80 لە سەد، وتیش رێژەی وەکارهاوردن لەلای ژنەیل 10 لەسەد زیایکردیە  لە ماوەی ساڵ 2023 هاتێ زیاتریشەو بوود.

وتیش، لە هەرێم کوردستان هویچ کارخانەیگ بەرهەمهاوردن مادەی هووشبەر نییە، بیجگە لە یەک حاڵەت کە  ساڵان گوزەشتە دەس وەبانی گیریا.

ئێ ئەفسەرە لە کۆنگرە رووژنامەوانیەگە راگەیان، دەسگردنە وەبان 120کگم مادەی هوشبەر وەگەرد پەنج ئامێر ئەلکترۆنی کە ئەرا قومارکردن وەکارهاوریانە لەناو پارێزگای هەولێر.