بارزانی: نەتەوە یەکگرتوەگان توانای هاوکاری عراق ئەرا چارەسەرکردن گرفتەگانی دیرێد

بارزانی: نەتەوە یەکگرتوەگان توانای هاوکاری عراق ئەرا چارەسەرکردن گرفتەگانی دیرێد
2020-09-15T10:04:15+00:00
شەفەق نیوز/ نیچیرڤان بارزانی سەرۆک هەرێم کوردستان، ئمڕوو سێشەممە، پێشوازی کرد لە جینین پلاسخارت نوێنەر تایبەت ئەمیندار گشتی نەتەوە یەکگرتوەگان لە عراق.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە کۆبونەوەگە باس کریا لە رەوش سیاسی گشتی لە عراق، ودویاترین نووەوبویەگان لە دانووستان لەناوبەین حکومەت هەرێم کوردستان وحکومەت فیدڕاڵی ئەرا چارەسەرکردن ناکۆکیەگان و گرفتە گیرهاتگەگان.
بارزانی ئاماژەکرد وە دەورە ئەرینیەگەی نەتەوە یەکگرتوەگان لە عراق، ودووپاتکرد ک نەتەوە یەکگرتوەگان توانای دەسمیەت عراق دیرێد لە چارەسەرکردن گرفتەگان و وەپشتسەرنان رەوش وسەختیەگان ک هانە نووای.
سیستم فیدڕاڵی لە عراق، وباوەت هەڵبژاردن هاتگ، ونوواگردن تیرۆر، و جوولەی داعش، وهەمیش باوەتەیلیگ تر خاوەن گرنگی هاوبەش لەناوبەین هەردوگلا ئەوانە تەوەرەیل دویاترین کۆبونەوەگە بوین. وەگورەی بەیاننامەگە.
Shafaq Live
Shafaq Live