وە شوینکەفتنیگ پۆلیسی لە دیالەو تا زیقار وە دەسگیرکردن بازرگانیگ مادەی هووشبەر کۆتایی هات
2024-04-21T13:17:39+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە دەسگیرکردن دوو بازرگان هووشبەر لەدویای وە شوین کەفتنیگ پۆلیسی کە لە دیالەو ئەرا زیقار درویژ کیشا.
سەرچەوەگە وە ئاژانس شەفەق نیوز خەوەردا "هێزە ئەمنیەیل دوو بازرگان مادەی هووشبەر دەسگیرکردن کە زیاتر لە 3کگم مادەی کریستال وەپی بویە لە ئۆپراسیۆنیگ جویری لە پارێزگای زیقار".
وتیش "بازرگانەیل هالە لوتکەی لیست داواکریاگەیل لە پارێزگای دیالە و لە زیقار دەسگیرکریان لە دویای هەماهەنگی و وەشوین کەفتنی و چەودێری ئەمنی وەردەوام ئەرا ماوەی یەک هەفتە".
سەرچەوەگە دیاریکرد "دەسگیرکریاگەیل ئەرا بنکەی ئەمنی کلکریانە تا لێکۆڵینەوە وەرگەردیان بکرێد و رێکار پێویست وەرانوەریان بکرێد".
