دیالە.. کردنەوەی ریەگە لەلایەن مانگرەگان دویای دڵنیاکردن ناوخۆیی

دیالە.. کردنەوەی ریەگە لەلایەن مانگرەگان دویای دڵنیاکردن ناوخۆیی
2020-09-06T12:12:38+00:00

شەفەق نیوز/ ناڕەزاگان ئمڕوو یەکشەممە، دووارە ریەگەی موقدادیە- بەعقوبە کردنەو، دویای دەسوەردانیگ حکومەتی لەلاین پارێزگاگە و پەیمان داین ودڵنیاکردن وە جیوەجیکردن داواکاری خۆپیشاندەرەگان.

حاتەم تمیمی وەڕێوبەر ناحیەی وجێهیە ئەرا ئاژانس شەفەق نیوز وت: موسەنا تمیمی پارێزگار دیالە سەردان خۆپیشاندەرەگان کرد وەیاوەری چەن وەرپرسیگ و وەڕێوبەرەیل فەرمانگەگان، وبڕیگ رینما و دڵنیاکردن دەرکردن ک هیشت کۆتایی وە خۆپیشاندانەگە باێد، وریەگەی ناوبەین بەعقوبە و قەزای موقدادیە بکریەێدەو.

تمیمی دیاریکرد ک بڕیگ لەو ریکارەیلە ک پارێزگارەگە بڕیاری دا ئەرا وەڕێوبردن ناحیەی وجێهیە و لە خوارترین ئاست تا وەڕێوبەر ناحیەی وجێهیە، و تا ماوەی یەک مانگ، وقسەکردن وەگەرد وەزارەتە پەیوەندیدارەگان لە بەشیگ لە پڕۆژەگان ک لە ناحیەگە جیوەجی نەکریانن، وهەمیش چارەسەرکردن بەشیگ لە گرفتەگان لەباوەت ئاو وکەهرەبا.

لە چینیگ هاوشیوە، خەڵک ناحیەی سەلام  ٢٥ کێلومەتر خوەرهەڵات بەعقوبە، مانگردن بیسنوریگ رێکخستن، وچادرەیلیگ هەڵوەسان ویەکیگ لە ریە سەرەکیەگان بەسان، لە ناڕەزایەتییان لە خراوی خزمەتگوزاریەگان، وداوای  ئاڵشتکردن بەشیگ لە وەڕێوبەرەیل فەرمانگە خزمەتگوزاریەگان.

حسێن ماهر عەمبەگی یەکیگە لە بەشدارەیل خۆپیشاندانەگە ئەرا ئاژانس شەفەق نیوز وت: پارێزگار دیالە سەردان ناحیەی سەلام کرد، بەڵکم خۆپیشاندەرەگان رازی نەوین کۆتایی وە مانگگردنەگە بارن تا جیوەجی داواکریەگانیان بکریەێد وە خاسەوکردن خزمەتگوزاریەگان وئاڵشتکردن وەڕێوبەر شارەوانی و کەهرەبا.

Shafaq Live
Shafaq Live