ناڕەزایەیلیگ خۆپیشاندان کەن و رییگ لە پارێزگای دیالە بڕن
شەفەق نیوز/ سەدان لە دانیشتوەیل ناحیەی وجێهیە لە پارێزگای دیالە، ئمڕوو یەکشەممە، خۆپیشاندانیگ رێکخستن ئەرا داواکاری وە خزمەتگوزاری وچارەسەری وەپشتگووشخستن لە گشت کەرتەگان.
ناڕەزاگان ریەگەی موقدادیە-بەعقوبە بڕین، و چادر مانگردن بی سنووریگ هەڵوەسان لەوەر جیوەجینەکردن داواکریەگانیان ک پارێزگاگە پەیمانی داگە.
حاتەم عەبدولجەواد تمیمی وەڕێوبەر ناحیەگە ئەرا ئاژانس شەفەق نیوز وت: لە وەختیگ گوزەیشتە موسەنا تمیمی پارێزگار دیالە سەردان ناحیەگە کرد ووەگەرد وەڕێوبەرەیل فەرمانگە خزمەتگوزاریەگان گردەو بوی، وپەیماندا وە چەودیریکردن پڕۆژەیل ناحیەگە لە بوودجەی ئەوزەڵکردن هەرێمەگان لەساڵ ٢٠١٩ ک رەسێدە یەک ملیار و ٦٠٠ مەلیۆن دینار وەگەرد تەرخانکردن ژمارەیگ لە محولەی کەهرەبا ئەرا ناحیەگە و هەوڵداین ئەرا تەرخانکردن پڕۆژەیل ریوبان لە سەندوق ئاوەدانکردن ئەرا ساڵ ٢٠٢٠ وچەودیری گشت پڕۆژەگان.
