دانیشتوەیل بەغداد هەست وەپی کردن.. زەویلەرزەیگ دەێدە ناوچه‌یه‌گ سنوری وه‌ل ئیران
2020-08-09T11:36:59+00:00
شەفەق نیوز/ سەرچەوەیگ خۆجێی لە دیالە، ئمڕوو یەکشەممە، خەوەردا ک زەویلەرزەیگ داگە پارچە سنوریەگەی ناوبەین عراق وئیران، و دانیشتوەیل بەغداد پایتەخت هەست وەپی کردن.
سەرچەوەگە ئەرا ئاژانس شەفەق نیوز وت: زەویلە رزەیگ وەهێز ٤،٧ پلە وەگورەی پەیمانەی ریختەر، لە ساعەت ١٢:١٧ نیمەڕو، دا لە پارچە سنوریەگەی ناوبەین عراق و ئیران.
ودیاریکرد ک زەویلەرزەگە شار خانەقین وەپی کاریگەر بوی و دانیشتوەیل بەغداد پایتەخت هەست وەپی کردن.
