میسان.. خەڵک گوڵەمەیل "ئەهوار" لەوەر هشکەساڵی ناڕەزایی کەن.. ڤیدیۆ

شەفەق نیوز/ دەیان لە خەڵک قەزای مجەر کەبیر، باشوور پارێزگای میسان، ئمڕوو دووشەممە، خوەینشاندان ئەنجام دان، وەداوای بەشەیل ئاو ئەهوار، ک ئەو گوڵەمەیلە کەفتنەسە هشکەساڵی سەختیگ.

ئەو ناڕەزایەیلە ک لە ناحیەی "خێر" وناوچەی "نەهر عز" سەروە قەزای مجەر کەبیر هاتنە، وسیانیگ ناڕەزایی وەردەم وەڕێەوبەرایەتی سامانەیل ئاوی لە شار عمارە ڕێک خستن،  دویای هشکەوبوین ناوچەیلیان، لەلیان هۆر سەحین وسێگر ونەگارە وئەبو سبوور..

ناڕەزایەیل ئەرا ئاژانس شەفەق نیوز وتن: لەبان خێر ئەهوار ژیان کەیمن و گامیشمان لەبان درەختەیل ئاویی ئیوەت کەیمن، ودویای قەیران هشکەساڵی گشتی ئاڵشت بوێ، و کەفتیمنە هەڕەشەی ئاوارەیی، دویای ویرانی سەروەتەیل درەخت و ئاژەڵ ک لە ئەهوار ژیان کەن، وداوا لە گشت لایەنەیل پەیوەندیدار کەیمن چارەیگ پەیا بکەن لەی قەیرانە قورتارمان بکەێد.