هوشداری لە کارەساتیگ.. ئەهوار عراق هانە وەر هشکی رخبەریگ
شەفەق نیوز/ سەمیر عەبود پسپۆر ژینگەیی لە پارێزگای میسان، ئمڕوو دووشەممە، هوشداری لە کارەساتیگ ک شایەت لەوەر داوەزین ئاست ئاوەگەی ئەهواز بکەفێد، ک کەفێدە وەر هشکەبۊن نا ڕاستەوخۆ.
عەبود ئەرا ئاژانس شەفەق نیوز وت: ئەهوارەیلە، وەتایبەت هۆر حوێزە، کەفێدە وەر هشکەوبۊن ناڕاستەوخۆ، ک ئاست بەرزی ئاوەگە لە قۊیلترین خاڵیگ لەناو هەورەیلە لەناوچەی ئوم نیعاج رەسیە ١٥ سانتیمەتر، ک یە ئاست رخبەریگە، و دیاری کرد ک ئاستە سرووشتیەگە بایەتە وە بەرزی ٦ مەتر لە ئەهوارەیلە بوود، و لە خوارترین ئاستەیلی لە ٢ تا ٣ مەتر بوود.
وتیش: هۆر حوێزە لە سێ شۊنەو ئاو ئەرای تیەێد، مشەرەح و کەلارو کەرخەی ئیرانی، و ئی سەرچەوەیلە وە کەمترین تەکان کار کەن وە ١٠% لە کار خوەی، و جاروباریش رەسێدە سفر، ولە مەوقەی لافاوەیلە رەسێدە ٦٠% و یە چەن ساڵیگە ئەوە نەۊیە.
عەبود وتیش؛ زندەوەر و درەختەیلە کەفژە وەر جینۆساید لەناو هۆرەیل حوێزە، و هەڕەشەی کارەساتیگ دەن ک نەهامەتی جارانی گلەو دەن، وتیش؛ عراق لەبان پەیامننامەیلیگ لەوەردەم کۆمەڵگای ناودەڵەتی واژوو کرد هەنای جیهان ڕازی بۊی ک ئەهوار بخەێدە ناو لیست ئاسەواری جیهانی ک تاقاوەگەی ئەهوار وەبی هۊیچ دەسوەردان بمینێد، باوجی تا ئیسە ئەو کارە نەهاتە جی.
پسپۆڕە ژینگەیەگە وتیش؛ خەڵک هۆرەیلە دۊیەشەو لە وەخت دیریگ چگنە ناو سکر ماجدیە ک ێاوەگە بەشەو کەێدە بان مشەرەح و کەحلا، و ئاوەگە وەرەو هۆر حوێزە مەرەقەز کردن، ک هیشت حکومەت لە وەخت زوویگ لە شەفەق ئمڕوو ئاوەگە وەرەو ئەو هۆر بیبەشە مەرەقەز بکەێد، ک ئەوە پرسیاریگ لەی باوەتە دروس کەێد، ک ئایا ئەرا دۊیای جوولەی مەردمەگە ئیجا حکومەت دەسکردە جوولەکردن؟.
