دەیان لە ئاوایەیل دیالە لەوەر هشکەساڵی کەفنە هەڕەشەی چووڵکردن
شەفەق نیوز/ وەرپرسەیلیگ حکومەتی لە پارێزگای دیالە، ئمڕوو جمعە، هووشداری لە ئاوارەبوین زیاتر لە ٦٠ ئاوای لە ناحیەی بوهرز لەوەر هشکەساڵی و کەم ئاوی دان.
نەزار لهێبی وەڕێۆبەر ناحیەگە ئەرا ئاژانس شەفەق نیوز وت: زیاتر لە ٦٠ ئاوای لە باشوور بوهرز هانە ژیر هەڕەشەی بارکردن و کارەسات ژیان و گوزەرانی لەوەر نەوین سەرچەوەیل ئاوەڵە چەمەیل خرێسان و دیالە، و نشان دا ک ناحیەگەی ژیان لە قەیران ئاو خواردن وەخوەی دوینێد.
لهێبی وتیش؛ پویچەڵکردن پلانەیل تاوسانڵلەی وەرز ئیسە لەوەر هشکەساڵی و دریژەداینە وە پویچەڵکردن پلانەیل زمسان ئەگەر قەیرانەگە وەردەوام بوی، و لایەنە پەیوەندیدارەیل پلانیگ ئەرا کەنین زیاتر لە ٤٠ بیر ئاو خواردن لە بوهرز دانان، باوجی تا ئیسە جیوەجی نەکریا.
لهێبی وتیش؛ ٨٠٪ لە خەڵک بوهرز پشت وە کشتوکاڵی بەسن جوور تەنیا سەرچەوەیگ سەرەکی، وەلی قەیران هشکەساڵیەگە کاریگەری خراویگ لەبان ژیان و گوزەرانی دیرێد ک رەسێدە زیاتر لە ١٠٠ ئاوای لە ناحیەگە.
