دەزگای دژە تیرۆر عراق: لەماوەی ساڵ 2023 نزیکەی 200 تیرۆرست کوشیانە و دەسگیر کریانە
2023-12-27T08:15:37+00:00
شەفەق نیوز/ دەزگای دژەتیرۆر، ئمڕوو چوارشەممە، ئامار ئەو ئۆپراسیۆنەیلە راگەیان کە لە ماوەی ساڵ 2023 دژ وە تیرۆرستەیل لە عراق ئەنجامیدانە.
قسەکەر دەزگاگە سەباح نوعمان لە کۆنگرەیگ رووژنامەوانی کە ئمڕوو سازکریا راگەیان، گشت ئۆپراسیۆنەیلە چالاکانە بوین، پشت بەسابوین وە زانیاری هەواڵگێریەیل وە لایەن هەواڵگێری دەزگای دژە تیرۆر، هەماهەنگی وەرد وەزارەتەیل ترەک و دامودەزگایەیل ئەمنی کریایە.
ئاشکەرایکرد، شمارەی ئەو ئەرکەیلە لەماوەی ساڵ 2023 ئەنجام دریانە 240 ئەرک بویە لەناوچە جیاوازەیل عراق، لە ئەنجام 135 تیرۆرست لە ئاستەیل فەرماندەیی جویراوجویر دەسگیرکریانە و 51 تیرۆرست کوشیانە.
دووپاتکرد ئەو ئۆپراسیۆنەیلە وە هێزەیل ئاسمانی پاڵپشتی کریانە وەلایەن هێز ئاسمانی عراق و فرۆکەوانی سوپا، بڕیگیانیش وەلایەن فرۆکەیل هاوپەیمانی ناودەوڵەتی وە شمارەی 10 گورز ئاسمانی.
