دژە تیرۆر یاوەر والی عراق لە باشوور کەرکوک کوشێد
2020-12-23T12:04:16+00:00
شەفەق نیوز/ لیوا یەحیا رەسول قسەکەر وەناو فەرماندەی گشتی هێزە چەکدارەگان، ئمڕوو چوارشەممە، راگەیان کوشتن یاوەر والی عراق، لە ئۆپراسیۆنیگ لە باشوور پارێزگای کەرکوک.
رەسول لە بەیاننامەیگ رەسیە ئاژانس شەفەق نیوز وت: هێزیگ تەکتیکی تایبەت لە کەرتەیل دەزگای دژە تیرۆر ئەرکیگ زوینە وە فڕۆکەیل هەلیکۆپتەر لە ناوچەی وادی شای جیوەجیکرد، و توێنست دوو تیرۆرست خوەیکوش لە جیماگەیل چەتەیل داعش بکوشێد، دویای رویوەڕوبینگ وەگەردیان لەناو حەشارگەیگیان، و دیاریکرد ک ئی ئەندامەیل کوشیاگەیلە خوەیان یاوەر یەکەمە ئەرا والی عراق ک نازناوەگەی شەعلانە.
وتیش؛ هەمیش پاڵەوانەیل دەزگاگە توێنستن دوو تیرۆرست لە قەزای ئەبو غرێب دەسگیر بکەن لە بنەمای زانیاریەل ووردیگ.
