دژە تیرۆر ٩ تیرۆرست لە عراق دەسگیر کەێد
شەفەق نیوز/ یەحیا رەسول لیوای هێزە تایبەتەکان قسەکەر وەناو فەرماندەی گشتی هێزە چەکدارەکان، ئمڕوو یەکشەممە، راگەیان دەزگای دژە تیرۆر توێنست ٩ داواکریاگ وە توومەت لایەنگری ریخریاگ داعش لە بەسرە و کەرکوک و ئەنبار و نەینەوا دەسگیر بکەێد.
رەسول لە بەیاننامەیگ رەسیە ئاژانس شەفەق نیوز وت: کەرتەیل دەزگاگە وەچەودیریکردن مەیدانی توێنستن یەکیگ لە جیماگەیل چەتەیل داعش لە پارێزگای بەسرە دەسگیر بکەن، ک لە چەن کاریگ تیرۆری دژوە هێزە ئەمنیەگان بەشداری کردگە.
وتیش؛ لە پارێزگای کەرکوک، دەزگای دژە تیرۆر توینست سێ ئامانج وەدەس بارێد وە دەسگیرکردن سێ تیرۆرست لە گەڕەکەیل شارەگە، و هەمیش لە پارێزگای ئەنبار دوو کەس لە لایەنگرەیل ریخریاگ داعش تیرۆرست دەسگیر کریان.
رەسول هەمیش وت: ئەندامەیل دژە تیرۆر لە کۆتایی وە زنجیرەی ئۆپراسیۆنەکانیان ک شەفەق یەکشەممە دەسوەپی کرد، سێ تیرۆرست لە کەنعوس لە باشوور شار مووسڵ دەسگیر کردن.
