دژە تیرۆر عراق لە بەغداو پاريزگايه‌يل بڵاوە وه‌پيکريا
شه‌فه‌ق نيوز/ فه‌ريق يه‌كه‌م روكن تالب شه‌غاتى كنانى سه‌رۆك ده‌زگاى دژه تيرۆر، جه‌خت له بڵاوه وه‌پيكردن هيزه‌يلى كرد له به‌غداى پايته‌خت ئه‌را پاسه‌وانيكردن ئاسايش هاووڵاتيه‌يل و سه‌قامگيرى و دامه‌زرياگه‌يل ده‌وڵه‌ت.
كنانى له به‌ياننامه‌يگ وت: ئيمه له ده‌زگاى دژه تيرۆر خواستيم په‌يام دڵنيايى بڕه‌سنيمنه هاووڵاتيه‌يل له‌لايه‌ن هيزه‌يل ده‌زگاى دژه تيرۆر و هيزه‌يل ئه‌منى ك بڵاوه پيان كرياگه له ناوچه‌يل نزيك له خوه‌ينيشانداينه‌يل له به‌غدا و پاريزگايه‌يل و كه‌رته‌يلمان هه‌مان رۆڵ بنه‌ڕه‌تى خوه‌يان نيشان ئه‌يه‌ن له پاسه‌وانيكردن ئاسايش هاووڵاتى ك هاوبه‌ش بنه‌ڕه‌تيه له ئداره‌ى ئه‌منى و وه‌رده‌واميم له مقه‌يه‌تيكردن ئامانجه‌يل ستراتيجى و سه‌روه‌رى ده‌وڵه‌ت له به‌غدا و پاريزگايه‌يل.
جى باسه ماوه‌ى سێ رووژه خوه‌ينيشانداين ناڕه‌زايه‌تى له به‌غداى پايته‌خت و چه‌ن پاريزگايگ تر باشوور عراق ده‌س وه‌پيكردگه‌و تائيسه‌يش زياتر له 65 كه‌س كوشيانه‌و زياتريش له دو هه‌زار كه‌س زه‌خمدار بوينه.
