دژە تیرۆر ١٦ ئەندام داعش لە کەرکوک کوشێد
شەفەق نیوز/ لیوای هێزەیل تایبەت یەحیا رەسول ، ئمڕوو جمعە، راگەیان ک دەزگای دژە تیرۆر توینست ١٦ تیرۆرست لە ئەندامەیل داعش لەلای کەمەو لە رویوەڕوبینگ لە پارێزگای کەرکوک بکوشێد.
لیوا رەسول لە بەیاننامەیگ ئمڕوو وت: کەرتەیل دەزگای دژە تیرۆر دەسکردنە ئۆپراسیۆن گەورایگ لە پارێزگای کەرکوک، و لەناوچەی ناوبەین دووڵ زغیتون- دووڵ خەناجر دوێەشەو دەسکردە پی، دژوە مەفرەزیگ لە جیماگەیل داعش، و وبویە هووکار کوشتن ١٦ تیرۆرست لەلیان دویای رویوەڕوبینگ لەناو شوونە نهێنییەگانیان.
وتیش؛ ژمارەیگ لەلیان وە رویوەڕوبین راستەخۆ کوشیان و ئەواکان وە فڕۆکەیل هاوپەیمان ناودەوڵەتی لە مەوقەی واینیان کوشیان.
لیوا یەحیا رەسول وتیش؛ هێزەگە دەسکردە وەشکین حەشارگەیل دویای پاکەوکردنیان لە چەتەیل داعش، ک بڕیگ بەڵگەنامەیل گرنگ دینەو، وەگەرد ژمارەیگ لە چەک سووک و ناوڕاسی و پاسپۆرت و پویل ناوخۆیی و بیگانە.
