سوپاى يه‌مه‌نى يه‌كيگ له داواكرياگه‌يل جه‌هانى داعش ده‌سگير كرد
2019-05-18T21:19:45+00:00
شه‌فه‌ق نيوز/ سوپاى يه‌مه‌نى ئاشكراى ده‌سگيركردن يه‌كيگ له داواكرياێ جه‌هانى كرد له چواچێوه‌ى ليست تيرۆر ناسرياێ وه ئه‌بولوه‌ليد سه‌ركرده‌ى ريكخرياگ داعش له ته‌عز له باشوور خوه‌رئاواى وڵاته‌گه.
له‌ى باوه‌ته‌و، عه‌بدولباست ئه‌لبه‌حر قسه‌كه‌ر وه‌ناو سوپاى نيشتمانى، وت: هيزيگ سه‌ربازێ تويه‌نستگه ده‌سگير ئه‌بولوليد بكا له يه‌كيگ له ماڵه‌يل كويه‌ن له ئاوايى وه‌هه‌ر له ريف خوه‌ئاوراى شاره‌گه ك له‌ڕوێ ئه‌منييه‌و داواكرياگه‌و ناويشى ها ليست داواكرياگه‌يل جه‌هانى.
ئه‌لبه‌حر وت: شيوه‌ى ده‌سگيركردنه‌گه‌ى دوياى گه‌مارۆداين ماڵه‌گه‌ى هاتگه ئه‌را ماوه‌ى چه‌ن سه‌عاتيگ ك نه‌تواسگه خوه‌ى راده‌س بكاو جه‌نگ وه‌ل ده‌سڵاته‌يل ئه‌منى كردگه تاوه‌ختيگ ده‌سگير كرياگه.
