دیالە لەماوەی ئمساڵ 16 تویشهاتن وە تەو خوینوەربوین توومارکردیە
2023-09-11T09:34:03+00:00
شەفەق نیوز/ خەسخانەی ڤێتەرنەری دیالە، ئمڕوو دووشەممە، تویشهاتن نوویگ وە تەو خوینوەربوین لە خوەرهەڵات بەعقوبە راگەیان یەیش شمارەی تویشهاتنەیل ئمساڵ ئەرا 16 تویشهاتن بەرزەوکرد.
ئبتسام جاسم محەمەد وەڕیوبەر خەسخانەگە وە ئاژانس شەفەق نیوز وت " ژنیگ 50 ساڵان تویش تەو خوینوەربوین هاتیە لە ئاوای (سەعادەت) سنوور ناوەین ناحیەی بەنی سەعد و بەغدا"، وتیش، تویشبویەگە خاوەن پەسە.
ئاشکەرایکرد، رێکارەیل ڤێتەرنەری پێویست گیریاسەوەر کە بریتیە لە بەڕەنگاربوین وە رشانن ئەو شوین ودەوروگەردە تویشهاتنە و قەیەغەی جموجویل پەسەیل لەناو ناوچە تویشبویەگە وە هەماهەنگی وەرد لایەنەیل تەندروسی.
وتیش؛ لەماوەی ئمساڵ لە دیالە، دوو پسای مردن وە تەو خوین وەربوین توومارکریایە کە یەکیگیان ئەندام بوی لە سوپا لە دەێشت پارێزگاگە تویش وە بیماریەگە هاتوێد، و لەناو دیالە مرد، ئەوەکەیش دویەتیگ 17 ساڵان بوی.
