کازمی لە فەلووجە.. ریکارەیل سەختیگ لەنوای راگەیانن (وێنە)
شەفەق نیوز/ موستەفا کازمی سەرۆک وەزیران، ئمڕوو پەنجشەممە، رەسیە بینای قایمقامیەت قەزای فەلووجە.
پەیامنێر ئاژانس شەفەق نیوز وت: کازمی کۆبونەوەیگ وەگەرد فەرماندەی ئۆپراسیۆنەگان ئەنبار و یاوەر فەرماندەی پۆلیس پارێزگاگە و حکومەت خۆجێی قەزاگە لە ناو ریکارەیل سەختیگ کرد.
وتیش؛ پاسەوانەیل کازمی ریگری لە کەناڵە ئاسمانیەگان و وێنەکرەگان کردن و نەیشتن پچنە ناو هۆڵ کۆبونەوەگە، و هەمیش نەیشتن لە نزیک خۆڵەکە کەسیگ مۆبایل هەڵگرێد.
و ئاماژە کرد ک کازمی رەسیە خەسەخانەی فەلووجە، ئەرا چەودیریکردن لە رەوش و پێداویستیەیل خەسەخانەگە ک لەی دویاییە لەلایەن بەرنامەی ئەوزەڵکردن ئەڵمانی لە نەتەوە یەکگرتووەکان UNDP ئاوەدان کریا و وەپشتگیری لە سەرۆک ئەنجومەن نۆێنەران.
کازمی لە فەلووجەو وت: گشت جەنکاوەرەیلمان، ئەفسەر و و پلەدار لە سوپا و پۆلیس فیدڕاڵی و دژە تیرۆر و حەشد شەعبی و پێشمەرگە، و هەرکەس جەنگ وەدژ ئی ریخریاگ تیرۆرستە کردگە، ملوانک سەرکەفتن سازین، و پێشکەشی ئەرا گەل عراق وە قوربانییان و ئازایییان کردن.
کازمی وتیش؛ ئەو قوربانیەیلە ک پێشکەش کریانە عراقیین، بەڵی برادەرەیل لە جهان دەسمیەتیمان دان، بەڵکم سەرکەفتنەگە وە رەنج و قوربانی عراقی ئەنجام دریا، و لە کۆتایییەو سەرکەفتیمن.
