کازمی رەسێدە هەولێر

کازمی رەسێدە هەولێر
2020-09-10T07:49:06+00:00
شەفەق نیوز/ موستەفا کازمی سەرۆک وەزیرەیل عراق، ئمڕوو پەنجشەممە، رەسیە هەولێر پایتەخت هەرێم کوردستان، لە گەردینیگ پارێزگای سلێمانی هەمیش گریدەو.
لەلایەن مەسرور بارزانی سەرۆک حکومەت هەرێم کوردستان و ژمارەیگ لە وەزیر و وەرپرسەیل پێشوازی لە کازمی کریا.
بڕیارە کازمی گردەوبوود وەگەرد مەسعود بارزانی سەرکردەی کورد، ومەسرور بارزانی سەرۆک حکومەت.
و هەمیش بڕیارە کازمی لە سەردانەگەی ئەرا هەرێم کوردستان، باس چەن باوەتیگ بکەێد، لەلیان ناکۆکیە گیرهاتگەگانە لەناوبەین بەغداد و هەولێر ئەرا ماوەی ساڵیل دریژیگ، و جەنەگەی دژوە ریخریاگ داعش.
و هەمیش ریکارەیل هەڵبژاردن زوینەی پەرلەمان.
و ئەوەسا بوودە یەکەمین سەردانیگ ئەرا کازمی ئەرا هەرێم کوردستان لەوەخت دروسکردن حکومەتەگەی لە ئایار گوزەیشتە.
هەرێم کوردستان لەو لایەنەیلە بوی ک وەهێزی پشتگیری لە رەسین موستەفا کازمی کرد ئەرا سەرۆکایەتی حکومەت فیدڕاڵی.
Shafaq Live
Shafaq Live