هەولێر جواو داواکارى خوەینیشاندەرەیل دارەوەو مەرج قەیەغە لە دو ناوچە سووکەو ئەکا
2020-04-18T20:01:11+00:00
شەفەق نیوز/ غورفەى ئۆپراسیۆن هەولێر تایبەت وە لەناوبردن ڤایرۆس کۆرۆنا، ئاشکراى سووکەوکردن مەرجەیل قەیەغەى هاتوچوو کرد لەبان دو ناوچەى پیشەسازى لە شارەگە لەوەر جواودانەوەى خوەینیشاندەرەیل.
غورفەى ئۆپراسیۆن لە بەیاننامەیگ ئەرا شەفەق نیوز ئەوە دەرخست ک رێ وە خاوەن دوکانەیل لە ناوچەى پیشەسازى باکوور و پیشەسازى باشوور داگە دوکانەیلیان واز بکەن لە 21 نیسان ئبریل لە سەعات هەیشت تا سەعات دو دویاى نیمەڕوو.
باس لەوەیش کرد ئى بڕیارە ئاشخانەو چایخانەیل و شوونەیل نمازخوەنین لەو هەردوگ ناوچەى ناوبریاگە ناگرێدەو.
