کازمی رەسێدە پایتەخت کوردستان
شەفەق نیوز/ موستەفا کازمی سەرۆک وەزیرەیل فیدراڵ، ئمڕوو دووشەممە، رەسیە فڕۆکەخانەی ناودەوڵەتی هەولێر، و سەرۆک حکومەت هەرێم کوردستان هاتە پیریی.
پەیامنێر ئاژانس شەفەق نيوز وت: مەسرور بارزانی سەرۆک حکومەت هەرێم کوردستان، شەوەکی ئمڕوو، پیشوازی لە موستەفا کازمی سەرۆک وەزیرەیل فیدراڵی لە فڕۆکەخانەی ناودەوڵەتی هەولێر کرد، وتیش: رسوومەیل پیشوازیکردن فەرمی لە فڕۆکەخانەکە وەڕیەو چگ.
دویکە یەکشەممە، ئاژانس شەفەق نيوز، لە سەرچەوەیگ ئاگادار زانست ک کازمی ئەوەسا لە ساڵیاد مردن جەلال تاڵەبانی سەرۆک کۆمار وەرین کەێد، ئەوەیش ئمڕوو دووشەممە لە هۆڵ شەهید سەعەد عەبدولڵا لە شار هەولێر.
لەلای خوەییش، نویسینگەی راگەیانن کازمی وت: کازمی شەوەکی ئمڕوو دووشەممە، رەسیە شار هەولێر پایتەخت هەرێم کوردستان، ئەرا ئەنجامداین زنجیرەیگ لە چەوپیکەفتن وەرد وەرپرسەیلیگ لە هەرێم کوردستان، و بەشداریکردن لە ئاهەنگ ساڵێاد و خەبات ئەرا ئازادی و دیموکراتی، و پەنجەمین ساڵیاد کووچکردن سەرۆک جەلال تاڵەبانی، ک ئەوەسا وتاریگ لەباوەت نووەوبویەیل سیمای سیاسی ئویشێد.
وەگورەی بەیاننامەگە، کازمی ئەوەسا چەوی کەفێدە هەرلە سەرۆک پارت دیموکراتی کوردستان مەسعود بارزانی، و سەرۆک هەرێم کوردستان نێچیرڤان بارزانی، و سەرۆک حکومەت هەرێم کوردستان مەسرور بارزانی، ک باس پەیوەندی ناوبەین حکومەت فیدراڵی و حکومەت هەرێم کوردستان کریەێد، و گرنگی بتەوکردن لەیەکڕەسینەوە لە بنەمای گفتوگۆ خاس.
